Os niveis ofertados son Celga 1, Celga 2, Celga 3 e Celga 4. O prazo para preinscribirse en Abegondo manterase aberto ata o 28 de xaneiro e, no caso de haber a demanda suficiente, solicitarase que se realicen no municipio cursos preparatorios.

Ademais existe a posibilidade de formular unha solicitude individual para participar en cursos programados que se van realizar noutras localidades. O prazo para este tipo de solicitudes remata o 30 de xaneiro de 2012. No Concello facilitarémoslle o impreso para realizar esta solicitude.

Todas aquelas persoas interesadas en preincribirse nos cursos que se solicitarán para impartirse en Abegondo, para tramitar a solicitude individual para os cursos programados pola Xunta de Galicia, para informarse sobre os Celga e sobre as probas poden dirixirse ao Servizo de Normalización Lingüística do Concello de Abegondo (teléfono 981 647 996).

Máis información no Diario Oficial de Galicia núm. 5 do 9 de xaneiro de 2012

www.xunta.es/dog/Publicados/2012/20120109/AnuncioC3F1-291211-10333_gl.pdf

O proxecto consistirá na creación de beirarrúas na estrada que une A Fraga con Aldea de Abaixo. Terán 1,5 metros de ancho e emprazaranse na marxe dereita da calzada.

José Antonio Santiso, alcalde de Abegondo, apunta que esta zona acolle un gran número de vivendas polo que resultaba "clave" proporcionar un espazo reservado para os viandantes.

A actuación non se cinguirá unicamente ás beirarrúas. O proxecto inclúe tamén a construción dunha rede de recollida de auga da choiva, con pozos de rexistro e sumidoiros con reixas, que evite que se poida acumular na vía.

A intervención, financiada pola Deputación da Coruña, alcanzará os 31.000 euros de investimento. Nas próximas datas sairá a licitación polo que será unha realidade nas seguintes semanas.

A actuación require un investimento de 84.000 euros. O obxectivo que se persegue co proxecto consiste en garantir a calidade de auga destas captacións que presentan un importante nivel de uso.

No marco deste proxecto realizaranse as seguintes actuacións:

• Limpeza e desinfección das instalacións

• Limpeza e roza do contorno

• Substitución dos caños que se encontren en mal estado

• Demolición e reconstrución en granito da fonte de Vilanova na súa totalidade

• Limpeza de gabias e construción de gabias para evitar que a escorrentía superficial inunde as zonas de captación en Vilanova e Vilardel respectivamente

• Demolición e reconstrución da arqueta da fonte de Outeiro

• Substitución da arqueta de conexión da captación de Vizoño que quedará situada entre 15 e 20 m augas debaixo da súa posición actual

• Perforación dunha sondaxe horizontal na zona de captación de Vizoño, incluíndo a preparación do terreo previa á perforación e o acondicionamento da sondaxe para o seu uso. No caso de que a sondaxe non cumpra uns requisitos de caudal mínimo perforarase unha sondaxe horizontal adicional augas abaixo do primeiro

• Cerramento das zonas de captación en Vilardel e Vizoño

De cara a asegurar a calidade da auga, realizaranse análises químicas e bacteriolóxicas de mostras de auga das captacións seleccionadas para o control e seguimento a medio prazo. Realizaranse 4 mostraxes e as súas correspondentes análises equiespaciadas no período entre a finalización das obras e a finalización de 2012.

O proxecto Aqua Plann

Aqua Plann consiste nun plan de acción sobre as presións que actúan sobre a conca dos ríos Mero e Barcés que pretende garantir a calidade das augas do L.I.C. encoro Abegondo-Cecebre.

A fin perseguida é profundar na aplicación da directiva marco da auga (dma). Para iso, preténdese concentrar un gran número de recursos técnicos e humanos nun pequeno ámbito de actuación. Desta modo, obtén información e metodoloxías extrapolables a outras demarcacións.

Os principais axentes involucrados na súa xestión son: Concello de Abegondo, Emalcsa, Aguas de Galicia e Consellería de Medio Rural. Este plan foi aprobado pola Comisión Europea, achegando un terzo do investimento total.

Neste caso, o pleno aprobou por unanimidade o establecemento de módulos para o seu cobro, para así facilitar achar a imposición que corresponde a cada solicitante. Así mesmo, o goberno local propuxo a creación dun sistema de bonificacións ás empresas que se instalen no municipio para o cobro do ICIO. Estes descontos poden chegar incluso ao 75% e dependerán do número de empregos que xeren.

O pleno engadiu unha nova bonificación, proposta polo BNG, e coa que concordaron AxA e o Partido Popular. Trátase dun desconto tamén para os autónomos. O alcalde, José Antonio Santiso, propuxo establecelo nun 25%.

Tamén os nacionalistas suxeriron que existise un desconto no ICIO marcado polos niveis de renda, en función do informe que realizará o departamento de Servizos Sociais. Santiso tamén se mostrou favorable e incluíuse na ordenanza.

Outro dos puntos destacados foi a aprobación da ordenanza para a execución de obras, actividades ou servizos. O Concello adáptase á directiva de servizos da Unión Europea, simplificando todos os procesos, como a realización de obras menores ou a apertura de establecementos, creando modelos como o da comunicación previa.

O pleno tamén aprobou unha nova ordenanza por servizos urbanísticos, a aplicación do IPC para as taxas de saneamento e depuración e de abastecemento, e a exención do IBI para o centro de saúde dado que será cedido á Xunta de Galicia para a execución da obra de ampliación incluída nos seus orzamentos para 2012.

Na sesión tamén se aprobou por unanimidade unha moción na que se insta á Xunta a manter as axudas para o servizo de Preescolar na Casa.

Finalmente, decidiuse a anulación das axudas á natalidade, baseada en dous razoamentos. Por un lado, cando se estableceron estas subvencións en 1995 foi sustentado no decrecemento de poboación que estaba experimentando o municipio, situación moi distinta á actual, especialmente co horizonte de aprobación en breve do Plan Xeral.

Por outro lado, o goberno municipal aposta por que este tipo de axudas non se baseen nunha liñalidade e que dependan de criterios como a renda para favorecer a aquelas familias que realmente o necesitan. Neste sentido, esta é a forma coa que está traballando a área municipal de Servizos Sociais, concedendo axudas aos que máis o necesitan que xa veñen a dar resposta ás necesidades que incluían estas axudas de natalidade.

O goberno local abegondense apostou pola implicación da Deputación da Coruña para levar adiante o proxecto. O Concello mantivo unha reunión coa vicepresidenta da institución, María Faraldo, que viu con bos ollos a actuación ante a carencia dunha infraestrutura similar en Abegondo, e deu luz verde ao seu financiamento.

A previsión do equipo de goberno é que o espazo que se creará en Mabegondo poida ter unha capacidade dunhas 150 persoas. Estará adaptado para a programación de obras de teatro ou concertos, eventos que dadas as características actuais dos equipamentos municipais teñen que celebrarse moitas veces en recintos privados.

En canto ao lugar, o goberno local barallou as diferentes posibilidades optando polo de Mabegondo dado que cumpre coas medidas necesarias para acoller os novos equipamentos. Ademais, pola súa situación conta cunhas comunicacións excelentes con todas as parroquias e incluso coa comarca, ao encontrarse na intersección da AC-542 co acceso á autovía A-6.

O investimento necesario para o proxecto aproximarase aos 40.000 euros. Serán destinados principalmente ao acondicionamento da planta baixa do centro social e á adquisición do mobiliario necesario para a sala de actuacións.

O alcalde de Abegondo, José Antonio Santiso, apunta que a necesidade dunha infraestrutura deste tipo era "clara". Dado que a construción do Abegondomus non é viable nesta situación económica, o Concello optou por unha "solución sinxela, de baixo custo e que dará resposta a parte das nosas necesidades en materia de cultura", afirma.

E é que na actualidade tampouco nin o CEIP de San Marcos nin o IES de Viós contan cun salón destas características. "A nova sala poderá concentrar boa parte da actividade de espectáculos de Abegondo, tanto municipais, como escolares e tamén apto para o uso por parte de asociacións", sinala o rexedor.

Santiso quere mostrar o agradecemento do Concello á Deputación pola súa "sensibilidade" á necesidade de Abegondo e a súa resposta case inmediata.

No día de hoxe, varios veciños trasladaron ao Concello a súa preocupación polo cheiro ocasional a gasoil que presenta a auga da traída. O Concello deu conta da situación a Sanidade, que remarcou que as mencionadas análises indican que a auga é perfectamente potable.

Tamén comunicou a situación á empresa concesionaria do servizo de augas, que procederá esta tarde a introducir filtros de carbón activo no sistema de captación de Beche, co obxecto de eliminar a posible afección ao cheiro da auga. Trátase dunha medida preventiva dirixida a evitar estes cheiros, que se produciron de forma ocasional no municipio.

Para introducir estes filtros, será necesario cortar a captación de auga do encoro, o que non afectará en absoluto á traída, dado que se collerá auga dos depósitos. Mañá pola mañá xa funcionará de novo a captación de Beche, cos novos filtros instalados.

O Concello de Abegondo quere ofrecer unha mensaxe de «máxima tranquilidade» aos veciños dado que tanto a Consellería de Sanidade, como Augas de Galicia e a empresa de augas do municipio están a realizar un control exhaustivo e continuo da calidade da auga e todos os resultados son totalmente favorables.

Achégase informe municipal das accións levadas a cabo polo concello ante o incidente do pasado venres.

Contidos relacionados

Informe municipal das accións levadas a cabo polo concello ante o incidente do pasado venres.

Todos aqueles que queiran entregar as súas cartas aínda poden facelo nos buzóns habilitados no Concello, na Ludoteca ou o propio día da Cabalgata de Reis.

A escola de música mellorou moito, reflexándose así o traballo que diariamente están a realizar.

Este concurso, que se convoca por primeira vez na administración autonómica a través de Facebook, ten como finalidade non soamente espertar a creatividade audiovisual dos nosos estudantes, senón fomentar o traballo en equipo e dar a coñecer as posibilidades que se abren no campo da formación e coñecemento das novas tecnoloxías que se veñen ofrecendo a través das actividades programadas nas aulas CeMIT do seu concello ou comarca.

A través deste evento, os mozos e mozas entre 14 e 20 anos de idade, individual ou colectivamente, poderán mostrar a súa destreza cinematográfica a través da gravación de curtas orixinais cunha temática que exprese aqueles valores e ideas relacionadas coas funcionalidades que ofrece a rede de aulas CeMIT como referente no acceso á formación en novas tecnoloxías e o seu impacto na vida cotiá.

O concurso consta de dúas fases diferenciadas:

- A primeira fase será a de inscrición e recollida de curtametraxes, cuxo prazo estará aberto dende o día 15 de novembro ata o 29 de febreiro de 2012,

- Na segunda fase, e unha vez subidos os vídeos a Internet, a partir do 7 de marzo de 2012 estarán abertos para a súa votación mediante o sistema "Gústame" de Facebook.

Os autores das obras seleccionadas, así como o centro educativo que representan optarán a unha serie de premios, tanto a nivel provincial como a nivel autonómico.

Hoxe foi asasinada unha veciña do noso municipio MATILDE VÁZQUEZ RAMALLAL, vítima da violencia de xénero.

O Concello de Abegondo, a través deste Pleno Extraordinario e Urxente, condena o brutal asasinato desta veciña de Abegondo, manifestando as condolencias a familiares e amigos.

A violencia de xénero constitúe unha lacra social, un atentado contra os dereitos humanos e a dignidade da persoa, que impide o avance en igualdade desta sociedade.

Por todo isto, o Concello de Abegondo, propón ao Pleno da Corporación a adopción do seguinte acordo:

1.- Condenar o falecemento de MATILDE VÁZQUEZ RAMALLAL, vítima de violencia, transmitindo as condolencias aos seus familiares e amigos.

2.- Manifestar o rexeitamento a calquera acto de violencia de xénero que se produza na sociedade.

3.- Declarar os días 13, 14 e 15 de decembro de 2011 como días de loito na localidade de Abegondo.

Abegondo, 12 de decembro de 2011