A nova brigada, que xa se encontra operativa desde o pasado 24 de maio, asume funcións de servizos, mantemento e axardinamento de zonas verdes do municipio. Os 6 peóns acometerán por tanto diversos traballos de limpeza ou arranxos en función das necesidades que se detecten.

A contratación dos peóns prolongarase durante os próximos dous meses. O traballo é a xornada completa. Esta contratación está financiada pola Deputación da Coruña.

O alcalde explica que a iniciativa persegue ofrecer unha capacitación e unha experiencia ás persoas con discapacidade, fomentando a súa integración laboral. Á vez, o Concello efectuará unha serie de necesarios labores de mantemento.

Listaxe de admitidos

Ligazóns

Taboleiro de anuncios da Sede electrónica do concello

O Concello, para reforzar estas características de Beche, celebrou o sábado 8 de xuño unha xornada de pesca fluvial, que conxugou a demostración no embalse como un taller de pesca artesanal. A xornada comezou pola mañá, de 10.00 a 14.00 horas. Os afeccionados, posuidores de licenza de pesca e caña, puideron participar na actividade de pesca sen morte. Ás 13.00 horas terá lugar unha demostración de lanzamento, á que acudiron algúns dos mellores pescadores desta modalidade.

Pola tarde, os actos trasladáronse á Aula da Natureza de Crendes. De 17.00 a 19.30 hora celebrouse un taller de pesca artesanal no que os participantes aprenderon as confeccionar moscas artificiais para o río. Ambas actividades foron gratuítas.

En total, a Escola Infantil conta con 56 prazas, tras as obras de ampliación recentemente acometidas polo Concello, co financiamento da Xunta de Galicia. Desas 56, a día de hoxe están todas cubertas, salvo 3 das 8 prazas de bebés que se adxudicarán para os novos nacementos ata o inicio de curso. As restantes 48 prazas destínanse a pequenos de 1 a 3 anos e están todas cubertas con esas 5 mencionadas en listaxe de espera. Este será o segundo curso que o concello impartirá na súa totalidade o primeiro ciclo de educación infantil non obrigatoria ao ter incluído a unidade de bebés.

O alcalde amosa a súa satisfacción por ter acometido unha actuación que agora se constata como "idónea" e que necesitaban as familias de Abegondo. "Conseguimos un elevado investimento pero moi proveitosa para os veciños con fillos nesa idade", afirma o rexedor, que sostén que se trata dun exemplo dunha actuación "ben planificada".

O Concello, atendendo a crecente demanda dos últimos anos do servizo, mellorou as súas instalacións con equipamentos adaptados ás necesidades dos máis pequenos, de forma que foron incrementadas o número de unidades de atención e o número de prazas.

A escola ofrece un servizo educativo coa finalidade de posibilitar que os nenos e nenas destas idades sexan atendidos por profesionais cualificados nos primeiros momentos da súa vida, así como favorecer a socialización como maneira de adquirir coñecementos, destrezas, actitudes, contribuíndo a un desenvolvemento íntegro da súa personalidade, na que as escolas infantís desempeñan un papel primordial.

A noticia produciuse en París, na sede da Unesco. O Consello Internacional de Coordinación do programa MAB (Man and the Biosphere) celebraba a súa 25 Sesión con varias candidaturas para formar parte da rede mundial de reservas da biosfera, entre as que se encontraba a promovida polo Grupo de Desenvolvemento Rural "Mariñas - Betanzos".

Cando chegou a quenda da votación, o Consello referendou a recomendación positiva que recibira o proxecto por parte do Comité Consultivo Internacional. As Mariñas Coruñesas e Terras do Mandeo recibiu a unanimidade dun Consello, composto por representantes de diferentes países.

A sala aplaudiu con forza unha candidatura que se aparta totalmente do habitual: unha reserva que conxuga a excelencia da natureza co desenvolvemento da actividade humana. A Unesco destacou para o seu ditame favorable o gran consenso social que alcanzou o GDR na candidatura resaltando o papel activo dos 18 concellos, a estruturación dos órganos de xestión que se crearán, e a programación xeral e económica xa prevista ata o ano 2022.

Mariñas - Betanzos desprazou ata a Unesco a unha delegación para recibir a gran noticia, encabezada polo presidente e alcalde de Abegondo, José Antonio Santiso. Estaba acompañado do vicepresidente e alcalde de Paderne, César Longo, o xerente, Jorge Blanco, e o subdirector xeral de Programación de Augas de Galicia, Roberto Arias.

Un emocionado Santiso foi o encargado de intervir ante o Consello tras coñecer a decisión favorable. Agradeceu a decisión que supón "o principio dun gran reto para o desenvolvemento sostible", nunha intervención que abriu e pechou en galego (só o inglés, francés e español son os idiomas oficiais na Unesco).

O presidente de Mariñas - Betanzos resalta que a candidatura foi "a máis aplaudida" na sala polo carácter atípico que ofrece. Nas súas palabras apuntou a que servirá tamén de valor engadido a declaración de Patrimonio da Humanidade da Torre de Hércules para incrementar o atractivo turístico da comarca.

"Día histórico"

Logo de finalizar a sesión, Santiso informou da noticia os alcaldes dos 18 concellos que conformarán a reserva da biosfera. Tamén llo transmitiu a outras persoas implicadas como Diego Calvo, presidente da Deputación da Coruña, que financiou a candidatura, Ricardo García Borregón, director xeral de Conservación da Natureza, á Universidade da Coruña, ou Alberto Núñez Feijóo, presidente da Xunta de Galicia.

"Esta reserva vai marcar un camiño a seguir para a rede mundial de reservas da biosfera", afirma o presidente, xa que non existe unha desta tipoloxía. Santiso recorda que ao principio do proceso existía pouca fe no proxecto pero "o traballo e o apoio masivo conseguido de todas as institucións, con independencia da súa cor política" foron "clave" para este "día histórico".

"E agora a traballar", avanza. O presidente sostén que hai que seguir unha forma de traballo similar á que propiciou este resultado: "de abaixo a arriba, desde o primeiro cidadán ata a última institución". "O máis importante de ter esta reserva é a concienciación ambiental que se vai promover. Imos demostrar que se pode levar a cabo a actividade humana respectando á vez o medio", asegura.

Mariñas - Betanzos xa está incluída desde hoxe na rede mundial de reservas de biosfera. O título recibirao nun acto que desenvolverá o Ministerio de Medio Ambiente en setembro ou outubro. A cualificación de reserva permitirá o territorio optar a novas vías de financiamento específicos, así como potenciar o turismo e unha marca propia para produtos autóctonos.

Os municipios que conforman a reserva son Abegondo, Aranga, Arteixo, Bergondo, Betanzos, Cambre, Carral, Cesuras, Coirós, Culleredo, Miño, Irixoa, Oleiros, Oza dos Ríos, Paderne, Sada, Curtis e Sobrado. Ocuparía 113.970 hectáreas, nas que residen case 190.000 persoas.

Contidos relacionados: 

- Dossier Reserva da Biosfera

- Vídeo Reserva da Biosfera

Este taller terá lugar os martes, a partir do día 21 de maio e ata o 18 de xuño, en horario de 10.30 a 12.00 horas no Centro Cultural de O Salón (Mabegondo).

O Concello invita a todos os maiores a asistir á primeira sesión da actividade, prevista para o 21 de maio. Os interesados deben anotarse previamente no departamento de servizos sociais, a partir do día 13 de maio.

Contidos relacionados

• Bases dos concursos (PDF-53,04 kb )

• Resolución de aprobación (PDF-41,55 kb )

Contidos relacionados

• Bases (PDF-113,25 kb )

• Resolución de aprobación da convocatoria(PDF-95,38 kb )

Fanse públicas as bases que rexerán o Certame Letras Galegas 2013 Concello de Abegondo.

Enlaces

Bases

Decreto de aprobación das bases do certame