Ir ao contido

Concello de Abegondo

 
avanzada
inicio | mapa web | contacto |

Accesos Rápidos

Abegondo atraeu a centos de visitantes na XVI Feira de Cans de Caza

O Concello de Abegondo celebrou o día 10 de xuño a XVI Feira de Cans de Caza, evento que reuniu a centos de cans procedentes de toda Galicia e que fixeron as delicias dos centos de afeccionados ao mundo canino que se achegaron ao campo da feira de San Marcos.

Celebrouse un concurso morfolóxico en diferentes categorías como caza maior ou menor, xaurías ou cachorros. O Concello habilitou unha finca anexa para realizar unha exhibición de rastreo de pluma (caza de perdices, codornices...), novidade nesta edición.

No transcurso do evento, o grupo de gaitas da Escola Municipal de Música puxo a nota festiva e musical. Os visitantes tamén tiveron a oportunidade de degustar de forma gratuíta carne de caza nun posto habilitado na feira.

A feira coincidiu coa reunión das integrantes da Escola de Palilleiras do Concello de Abegondo. As palilleiras exhibiron o material que foron elaborando todo o ano e realizaron sorteo de varios lotes de produtos cos seus traballos.

O programa de actos rematou coa entrega dos trofeos do concurso canino. O alcalde presidiu a entrega de premios, na que estivo acompañado do alcalde de Frades, Miguel Prado, así como de concelleiros e asesores abegondenses.

PREMIOS:

1º caza maior: Luis Mantiñán, de Abegondo

2º caza maior: Ramiro, de Arteixo

3º caza maior: Roberto, de San Vicente

1º caza menor: Ismael, de Camariñas

2º caza menor: Mantiñán, de Oza

3º caza menor: Pedro Ferreiro, de Ordes

1º categoría pluma: Alfonso González, da Coruña

2º categoría pluma: José Manuel Cortízar, de Monfero

3º categoría pluma: Santiago Nere, de Rois

Mellor xauría: Josecho de Laracha por unha camada de cans de raza anglo francés

Mellor camada de cachorros: Pedro Bello de Carballo por unha camada de leonardos

Mellor can da feira: Pepe Leira de Vilarmaior por un can sabueso español

Premios especiais de agradecemento pola súa colaboración no desenvolvemento do evento a:

Jorge da Chousa

José Sanmartín

Carlos Sanjurjo

Asociación de Cazadores de Abegondo

 

 

 

Concello de Abegondo

Tfno. Centraliña: 981 647 909 | Enderezo: San Marcos, 1. 15318 Abegondo (A Coruña)