Ir ao contido

Concello de Abegondo

 
avanzada
inicio | mapa web | contacto |

Accesos Rápidos

O pleno de Abegondo aproba solicitar unha subvención de 136.000 euros destinada ao proxecto do Plan Xeral de Ordenación Municipal

O Goberno de Abegondo di que o representante do PP terá que responder ante os veciños da súa xestión ao fronte do urbanismo municipal

Abegondo, 30 de outubro de 2007.-O Concello de Abegondo informa de que hoxe, ás 10:00 horas, tivo lugar o pleno extraordinario e urxente no que se aprobou, por unanimidade dos presentes, o solicitar a subvención da Consellería de Política Territorial para sufragar os gastos pendentes no proceso de elaboración do Plan Xeral de Ordenación Municipal. A axuda que concede a Consellería alcanza o 90 por cento do total, no caso de Abegondo o importe da redacción do proxecto do PXOM é de 156.000 euros, dos cales o Concello solicita 136.000 euros, cantidade máxima contemplada na orde que regula a devandita subvención. A ausencia dos representantes do grupo da oposición –PP- foi a única nota que se debe salientar no transcurso da sesión, que tivo unha duración de 10 minutos.

Ausencia

A ausencia do grupo popular ao completo é interpretada polo Goberno de Abegondo como unha estratexia do seu líder para non responder da súa xestión ao fronte do urbanismo na súa etapa de alcalde. Neste sentido, o Goberno Local indica que “xa non val o agocharse” e que o máximo representante do Partido Popular no municipio vai ter que responder ante os veciños das súas anteriores responsabilidades.
Concello de Abegondo

Tfno. Centraliña: 981 647 909 | Enderezo: San Marcos, 1. 15318 Abegondo (A Coruña)